2016.08.11. Мобиком Корпораци Samsung брэндийн шинэчлэгдсэн Galaxy J7 (6) LTE загварыг албан ёсоор худалдаалж эхэллээ. 4G LTE сүлжээг дэмждэг, метал хүрээтэй, илүү хүчирхэг Galaxy J7 танд тансаг хэрэглээ, өндөр бүтээмжийг мэдрүүлэх болно.

Мобиком Корпораци урьдчилсан төлбөрт үйлчилгээний 6’000₮, 11’000₮, 15’000₮ болон 45’000₮-ийн цэнэглэгч картуудаа 2016 оны 8-р сарын 15-ны өдрөөс хэрэглээний эрхтэй, сүлжээ харгалзахгүй 35₮-өөр ярих 6’000₮, 11’000₮, 15’000₮ болон 45’000₮-ийн багцууд болгон шинэчлэх болсныг мэдэгдэж байна.

Мобиком Корпораци болон түүний ажилтан албан хаагчид Баян-Өлгий аймгийн Өлгий суманд тохиолдсон үерийн гамшигт нэрвэгдсэн айл өрхүүдэд нэн шаардлагатай хүнс, ахуйн хэрэглээний бараа материал бүхий хүмүүнлэгийн тусламжийг хүргэж өгөөд байна.

Та Мобикомын 4G LTE үйлчилгээг хүссэнээрээ хэрэглэх онцгой бэлэг авмаар байна уу? Тэгвэл Мобикомоос танд 10GB дата багцыг бэлэг болгон өгөх нэмэлт дата багцуудаа санал болгож байна. Нэмэлт дата багцыг дараа төлбөрт болон хосолсон төлбөрт, урьдчилсан төлбөрт үйлчилгээний бүх хэрэглэгчид урамшууллын хугацаанд хэдэн ч удаа ашиглах боломжтой. Харин дараа төлбөрт хэрэглэгчдийн хувьд багцад дагалдах дата багц дээрээ нэмэлтээр 600MB болон түүнээс дээш багц худалдаж авсан тохиолдолд 4G LTE сүлжээнд ашиглах 10GB дата эрхийг бэлэглэнэ.

Мобиком Корпорацийн урьдчилсан төлбөрт болон хосолсон төлбөрт багцын хэрэглэгчид Моносын эмийн сангуудаас гар утсандаа нэгж худалдан авах боломжтой боллоо. Та Моносын бүх салбар эмийн сангуудаас та эрүүл мэндийн бүтээгдэхүүн худалдан авахдаа өөрт хэрэгцээтэй нэгжээ гар утасны дугаартаа шууд цэнэглүүлээрэй. Гар утсаа цэнэглэх одоо улам хялбар боллоо.

Мобиком Корпорацийн зарим хэрэглэгчдийн нэр, оршин суух хаягийн мэдээллийг олон нийтэд задруулна гэсэн утгатай имэйлийг бид хүлээж авсан болно. Уг имэйлээс харахад энэхүү мэдээлэл нь 5 жилийн өмнөх урьдчилсан төлбөрт хэрэглэгчидтэй холбоотой байна. 

Мобикомын урьдчилсан төлбөрт болон хосолсон төлбөрт хэрэглэгчдийн дансандаа нэгжгүй үедээ хэн нэгэн рүү яаралтай ярих шаардлага гарсан тохиолдолд ашигладаг Нэгжийн зээлийн үйлчилгээ Шуурхай нэгж болон шинэчлэгдэж байна. Энэхүү үйлчилгээг урьдчилсан төлбөрт болон хосолсон төлбөрт хэрэглэгчид *500# гэж бичин дуудлага хийх товчийг дарж эсвэл *210# цэсний Боломж үйлчилгээ хэсгээс сонгон ашиглах ба мессэж ирсэн даруйд таны утсанд 500 нэгж автоматаар орно.

Мобикомын хэрэглэгчид Япон улсад ажиллаж, аялах үедээ өөрийн гар утаснаасаа өөрийн дугаараараа интернэтэд хязгааргүй холбогдох боломжтой боллоо. Мобиком Корпораци хэрэглэгчдийнхээ хүсэлтээр Монголчуудын хамгийн их зорчдог орнуудын нэг болох Япон улсад Мобикомын дугаараасаа сошиал хаягуудаа шалгаж, эх орондоо болж байгаа мэдээ мэдээллийг цаг алдалгүй авах боломжийг олгох хязгааргүй дата багцуудыг шинээр гаргаад байна.

Мобиком Корпораци ХХК нь Улаанбаатар хот, Чингэлтэй дүүрэг, Дэнжийн 1,000-ын “Хүчит Шонхор” хүнсний захад байрлах Мобикомын гэрээт салбарыг хариуцан ажиллах хариуцагчийг сонгон шалгаруулах гэж байгаа тул сонирхсон хувь хүн, албан байгууллагуудыг Худалдаа үйлчилгээний Teди төвийн “Гэрээт борлуулагчид үйлчилгээ олгох хэсэг”-т  2016 оны 07 дугаар сарын 27-ний өдрийн 14:00 цагт болох мэдээлэл өгөх уулзалтанд хүрэлцэн ирэхийг урьж байна.