ДИЖИТАЛ ЭРИНИЙ “eSIM”-ИЙГ ТАНИЛЦУУЛЖ БАЙНА

eSIM ГЭЖ ЮУ ВЭ?

eSIM гэдэг нь биет бус дижитал сим юм. Та биет сим карт авахгүйгээр QR код уншуулан, утсан дээрээ үүрэн холбооны дугаар суулгах боломжтой. Худалдан авсан eSIM хэрэглэгчийн бүртгэлтэй и-мэйл хаягт дахин давтагдашгүй QR код хэлбэрээр очих болно.

eSIM 

Дээрх QR кодыг уншуулж, eSIM-ийн тухай дэлгэрэнгүй мэдээллийг аваарай.

eSIM ЯМАР ДАВУУ ТАЛТАЙ ВЭ?

• Бүх операторын хэрэглэгч одоо барьж буй дугаараа мобикомын eSIM бүхий дугаартай хослуулан ашиглах боломжтой;
• Хувийн, ажлын, зарын, аяллын зэрэг бүхий л хэрэглээгээ нэг гар утсанд төвлөрүүлж, нэг дор 20 хүртэлх дугаар барих боломжтой (тухайн төхөөрөмжийн хүчин чадлаас хамаарна);
• Сим карт гэмтэх, гээгдэх эрсдэлгүй;
• Сүлжээ хооронд хэдхэн товшилтоор шилжих боломжтой;
• Байгаль орчинд ээлтэй, хог хаягдалгүй дижитал шийдэл.

​БИЕТ СИМЭЭ ХЭРХЭН eSIM БОЛГОХ ВЭ?

• Салбар дээр бичиг баримттайгаа хүрэлцэн ирж солих;
• mobicom.mn хаяг руу хандан, Шуурхай үйлдэл булангийн “Сим Сэргээх” цэсээр дамжуулан солих

eSIM АШИГЛАХАД ЮУГ АНХААРАХ ВЭ?

• Мобикомоос eSIM авах үед таны бүртгүүлсэн и-мэйл хаяг руу QR код илгээнэ. Энэхүү кодыг зөвхөн нэг удаа илгээх тул хадгалж авахыг зөвлөж байна.
• Хэрэв та eSIM-ээ өөр төхөөрөмжид суулгахыг хүсвэл холбогдсон төхөөрөмж дээрээсээ устгаж, шинэ төхөөрөмжид QR кодоо уншуулна. /Дэлгэрэнгүй зааврыг ЭНД дарж авна уу/
• Утасны моделиос хамаарч 20 хүртэлх eSIM-г утсандаа суулгах боломжтой ч нэгэн зэрэг 2 сим идэвхтэй ашиглан, дуудлага хийх, хүлээн авах, дата ашиглах боломжтой.

eSIM ДЭМЖДЭГ ТӨХӨӨРӨМЖҮҮД:

• Та дараах зааврын дагуу төхөөрөмжөө eSIM дэмждэг эсэхийг шалгах боломжтой. Хэрэв таны утсанд доорх хараар тодруулсан цэс байгаа бол таны төхөөрөмж /гар утас/ eSIM дэмжинэ.
• IOS систем дээр 2 аргаар шалгах боломжтой.

Settings -> General -> About -> Digital SIM /IMEA/

Settings -> Cellular -> ADD eSIM

• ANDROID

Settings -> Connections -> Sim card Manager -> ADD eSIM

Мөн та ЭНД дарж eSIM дэмждэг төхөөрөмжүүдийг харах боломжтой. ​

eSIM АШИГЛАХТАЙ ХОЛБООТОЙ ТҮГЭЭМЭЛ АСУУЛТУУД:

• Ямар төхөөрөмж eSIM дэмждэг вэ?

Та ЭНД дарж мэдээлэл авна уу.

• Дор хаяж нэг биет симтэй байж, eSIM давхар ашиглах боломжтой юу?

Энэ нь таны гар утаснаас хамаарна. Зарим гар утасны хувьд үйлдвэрлэгдсэн улсаас хамаарч, зөвхөн eSIM дэмждэг бөгөөд биет сим орох хэсэггүй болсон.

• Гар утсаа сольсон бол дахин eSIM худалдан авах шаардлагатай юу?

Үгүй. Та ЭНД дарж зааврын дагуу eSIM-ээ өөр төхөөрөмж рүү шилжүүлэх боломжтой.

• QR code-оо алга болгосон тохиолдолд яах вэ?

Та салбар дээр бичиг баримттайгаа ирж, eSIM-ээ сэргээлгэх боломжтой. Эсвэл ЭНД дарж, онлайнаар eSIM-ээ сэргээж болно.

• Гар утас болон бусад eSIM суулгасан төхөөрөмжөө алга болгосон тохиолдолд QR code-оо уншуулан, eSIM-ээ ашиглах боломжтой юу. Энэ тохиолдолд яах вэ?

Хэрэв та eSIM-ээ төхөөрөмжөөсөө устгасан бол боломжтой. Харин устгалгүйгээр алга болгосон тохиолдолд салбарт хандан, эсвэл ЭНД дарж, онлайнаар eSIM-ээ сэргээх шаардлагатай.

Жич: Сим сэргээх үнэ: 5000₮, Дараа болон Хосолсон төлбөрт хэрэглэгч жилд нэг удаа симээ үнэгүй сэргээлгэх боломжтой.