Старсын HAPPY PARENTS үйлчилгээнд бүртгэлтэй эрхэм эцэг эхчүүд та бүхэн өөрийн цахим үнэмлэхээ авч ирж хүүхдийнхээ дугаарыг сэргээх боломжтой. 

Өөрийн дансыг цэнэглэх:  

• 212 дугаар залгаж автомат хариулагчийн зааврын дагуу цэнэглэнэ.
• *212* 16 оронтой картын нууц дугаар # -г оруулан дуудлага хийх товчийг дарна.
• Жишээ нь:  *212* хххххххххххххххх# дуудлага хийх ногоон товч.

Бусдын дансыг цэнэглэх:  

• Гар утасны мессэж бичих хэсэгт орно > Цэнэглэх утасны дугаарыг оруулаад зай авч S үсэг бичээд 16 орон бүхий картын нууц дугаарыг оруулна >  596 тусгай дугаарт мессэж илгээнэ.
• Жишээ нь:  99хххххх Sxxхххххххххххххх гэсэн мессэжийг 596 дугаарт илгээж цэнэглэнэ.

Хэрэглэгч дээрх картын болон багцын сонголтоос урьдчилсан цэнэглэлт хийж үйлчилгээг ашиглана.
Цэнэглэгч карт болон хэрэглээний эрхтэй багцын 1 нэгж нь 1 төгрөгтэй тэнцүү бөгөөд та тухайн үйлчилгээнүүдийн үнэ тарифын дагуу нэгж хасагдах зарчмаар үйлчилгээг авна.
Цэнэглэгч карт болон хэрэглээний эрхтэй багцуудыг онлайнаар худалдаж авах бол ЭНД дарж авна уу.

Дагалдах нэгж

• Дагалдах нэгж гэдэг нь хэрэглэгчийн худалдан авсан цэнэглэгч картын үнийн дүнд багтсан нэгжийг хэлнэ.
• Дагалдах нэгж нь тухайн хэрэглэгчийн үйлчилгээ цуцлагдахаас бусад тохиолдолд үндсэн данснаас устахгүй.
• Хэрэглэгчийн дансанд орсон нэгжийг бэлэн болон бэлэн бусаар мөнгөн дүнгээр буцаан олгохгүй.

Хэрэглээний эрхтэй цэнэглэгч багц

• Хэрэглээний эрх гэдэг нь тухайн цэнэглэгч багцад дагалдан ирж буй нэмэлт хэрэглээний эрх болон өөрийн хүсэлтээр нэгжээрээ авсан нэмэлт үйлчилгээний эрхийг хэлнэ.
• Хэрэглээний эрхийг тухайн нэмэлт эрхийн дурдсан хугацаанд ашиглах боломжтой. Тухайн хугацаа дуусахад ашиглаагүй үлдсэн хэрэглээний эрх устана.
• Хэрэглэгчийн хэрэглээг нэмэлт хэрэглээний эрхээс эхлэн тооцох бөгөөд нэмэлт хэрэглээний эрх дууссаны дараа үндсэн дансан дахь нэгжээс хэрэглээг тооцно.
• Нэмэлт хэрэглээний эрхийг хэрэглэгч бусдад шилжүүлэх боломжгүй.

Та нэгжийн карт болон нэмэлт ярианы эрхтэй цэнэглэгч картуудаас сонгон цэнэглэнэ үү. Цэнэглэгч картын сонголтуудыг ЭНД дарж үзнэ үү. 

Дараах аргуудаас сонгож дансан дахь нэгжийн үлдэгдлээ шалгах боломжтой.

• *211# дугаарт залгаж утасныхаа дэлгэцэд текст хэлбэрээр шалгана.
• 211 дугаарт дуудлага хийж дуут хэлбэрээр шалгана.
• *210# дугаарт залган бусад нэмэлт үйлчилгээ, хөнгөлөлт урамшууллын эрхийн мэдээллийг шалгана.

Мобикомын сүлжээнд болон Монгол Улс дотор үүрэн болон суурин холбооны дугаарт ярихад эхний 60 секундийг 1 минутын алхмаар, 61 дэх секундээс эхлэн 1 секундийн алхмаар тооцно. Лавлах утасны тусгай дугаарууд хамаарахгүй.
Ярианы тариф нь улс хоорондын ярианд эхний 6 секундэд бүрэн ба бүрэн бусаар, 7 дахь секундээс 1 секундийн алхмаар тооцно.
Хөдөлгөөнт интернэтэд холбогдоход эхний 10 килобайт хүртэлх хэрэглээг 10 килобайтын үнээр, 11 дэх килобайтаас  эхлэн 1 килобайтын үнээр тооцно.

Мобикомын Урьдчилсан төлбөрт үйлчилгээний хэрэглэгчид сүүлийн 3 хүртэлх сарын хэрэглээний дэлгэрэнгүй жагсаалтыг үйлчилгээний салбаруудад цахим үнэмлэхтэйгээ өөрийн биеэр ирж хэвлүүлэн авах боломжтой.
Хэрэглээний дэлгэрэнгүй жагсаалтыг гаргахад дараах үнэ тариф мөрдөгдөх ба та англи болон монгол хэл дээр хэвлүүлэн авах боломжтой.

• 1 сар буюу 1-31 хоногийн мэдээлэл                            1000 ₮
• 2 сар буюу 1-61 хоногийн мэдээлэл                           2000 ₮
• 3 сар буюу 61-ээc дээш хоногийн мэдээлэл            3000 ₮ 

• Багц солих гэдэг нь гэрээний эзэмшигч болон дугаар солихгүйгээр багцын төрлөө өөрчлөхийг хэлэх бөгөөд багцын насны ангилал, үйлчилгээний нөхцөлийн үндсэн шалгуурыг хангаж байгаа тохиолдолд MobiCard, Be, Stars үйлчилгээг сонгон Урьдчилсан төлбөрт багц хооронд шилжих боломжтой. Багцын танилцуулгыг ЭНД  дарж үзнэ үү.
• Багцаа солихдоо үйлчилгээний салбарт цахим үнэмлэх болон түүнтэй адилтгах бичиг баримттай ирнэ.
• Багц солиход тухайн багцад тусгайлан зориулагдсан хөнгөлөлт урамшууллын эрх устаж, урьдчилсан төлбөрт нийт хэрэглэгчдэд зориулсан хөнгөлөлт урамшууллын эрх хэвээр хадгалагдана.
• Шуурхай нэгж үйлчилгээг ашигласан хэрэглэгч багц шилжих боломжтой ба багц шилжсэний дараа цэнэглэгч картаар цэнэглэх үед шуурхай нэгжийн үлдэгдлийг суутгана.
• Багц солих үед хэрэглэгчийн Гэр бүл, найзын хөнгөлөлтөд (FnF) бүртгэлтэй дугаарууд хэвээр хадгалагдана.

Хэрэглэгч дугаараа бусдад шилжүүлэх гэж байгаа бол шилжүүлэн авч байгаа хэрэглэгчтэйгээ хамт тус тусын цахим үнэмлэх, түүнтэй адилтгах бичиг баримттай үйлчилгээний салбарт ирнэ. 

Шалгуур:

• Та Урьдчилсан төлбөрт дугаараа бусдад шилжүүлэхийн тулд тухайн багцын үйлчилгээг хамгийн багадаа 30 хоног ашигласан байх шаардлагатай.
• Дугаар шилжүүлэх үйлчилгээг сард хэдэн ч удаа авах боломжтой.

Дугаар шилжүүлэх тохиолдолд хуучин хэрэглэгчийн ашигласан хугацаа, дансны үлдэгдэл нэгж, хөнгөлөлт урамшууллын эрх хэвээр хадгалагдан, шилжүүлэн авсан хэрэглэгчид шилжинэ.

Дугаар түр хаах гэдэг нь хэрэглэгчийн хүсэлтээр орох, гарах хэрэглээний эрхийг түдгэлзүүлэхийг хэлэх бөгөөд хэрэглэгч дугаараа хаяж үрэгдүүлсэн тохиолдолд өөрийн биеэр, цахим үнэмлэх болон түүнтэй адилтгах бичиг баримттай үйлчилгээний салбарт хандана.
Хэрэглэгчийн дугаарын бүртгэл бүрэн хийгдсэн нөхцөлд Үйлчилгээний нэгдсэн төв 2222-т хандан дугаар түр хаалгах боломжтой. Энэ тохиолдолд бүртгэлийг баталгаажуулах зорилгоор нэмэлт асуултад хариулахыг анхаарна уу.

Хэрэглэгч түр хаалгасан дугаараа сэргээхийн тулд өөрийн биеэр цахим үнэмлэх болон түүнтэй адилтгах бичиг баримтын хамт үйлчилгээний салбарт ирнэ.
Хэрэглэгч үйлчилгээний салбарт өөрийн биеэр ирэх боломжгүй тохиолдолд дугаар эзэмшигчийг албан ёсоор төлөөлөх итгэмжлэл бүхий этгээд хүчин төгөлдөр цахим үнэмлэхийн хамт үйлчилгээний салбарт ирж дугаарыг сэргээнэ.
Дугаар сэргээх төлбөр 3000₮

Хэрэглэгч дараах үйлчилгээнүүдээс аль нэгийг сүүлийн 90 хоногийн хугацаанд ашиглаагүй тохиолдолд 91 дэх хоногт тухайн дугаар цуцлагдах болно:
1.    Төлбөртэй гарах дуудлага хийсэн
2.    Төлбөртэй гарах мессэж бичсэн
3.    Хөдөлгөөнт интернэтийн үйлчилгээ ашигласан
4.    Бүх төрлийн нэмэлт багц авч ашиглах
5.    Үндсэн дансан дахь нэгжийн үлдэгдэл хасагдах 

Хэрэглэгч энэ 90 хоногийн хугацаанд гадагш дуудлага хийх, гадагш мессэж бичих, гаднаас дуудлага, мессэж хүлээн авах гэх мэт хэрэглээ хийх эрх нь бүрэн нээлттэй байна.

Үйлчлүүлэгч өөрийн биеэр үйлчилгээний салбарт очих боломжгүй бол итгэмжлэгдсэн төлөөлөгчөөр дамжуулан үйлчилгээ авах боломжтой. Итгэмжлэгдсэн төлөөлөгч нь хүчин төгөлдөр дараах шаардлагыг хангасан итгэмжлэлийг авч ирсэн байна.

Үүнд:

1. Нотариатаар баталгаажуулсан.
2. Итгэмжлэл олгосон огноог тэмдэглэсэн.
3. Төлөөлүүлэгч ямар үйлчилгээний эрхийг төлөөлөгчид олгож байгаагаа итгэмжлэл дээр тодорхой буюу үйлчилгээний нэрээр дурдсан байна. /Бүх үйлчилгээ гэсэн утга бичихгүй/
4. Төлөөлүүлэгчийн гарын үсэг зурагдсан /Хуулийн этгээд бол эрх бүхий этгээдийн гарын үсэг зурагдаж, тамга дарагдсан байна/
5. Хүчин төгөлдөр итгэмжлэл эх хувиар байна.
6. Итгэмжлэлийг тодорхой хугацаагаар олгох бол хугацааг заавал тусгана.
7. Та гадаадад ажиллаж, амьдарч байгаа тохиолдолд оршин суугаа орныхоо элчин сайдын яамнаас баталгаажуулсан хүчин төгөлдөр итгэмжлэлээр дамжуулан үйлчилгээ авах боломжтой.

Урьдчилсан төлбөрт багцын дугаар болон үйлчилгээг “Зүй зохистой хэрэглээ”-нд ашиглана. Харин “Зүй зохисгүй хэрэглээ”-нд ашигласан тохиолдолд үйлчилгээг хааж гарсан хохирлыг хэрэглэгчээр төлүүлэх хүртэл арга хэмжээ авна.

•    “Зүй зохистой хэрэглээ” гэдэгт яриа, мессэж болон дата үйлчилгээний эрхүүдийг үйлдвэрлэл, аж ахуйн үйл ажиллагааны бус, зөвхөн хувийн болон гэр бүл, ахуйн хэрэгцээгээ хангахад зориулан захиалж, худалдан авч, үйлчлүүлж байгаа, эсхүл хэрэглэж байгааг ойлгоно.
•    “Зүй зохисгүй хэрэглээ” гэдэгт үйлчилгээ үзүүлэгчийн дугаар бүхий СИМ картад тусгай зориулалтын төхөөрөмж, програм хангамж холбож, зөвшөөрөлгүйгээр нэг дор их хэмжээний дуут сурталчилгаa /Voice broadcast/, дуудлага ашиглан сурталчилгаа түгээх/outbound call center/, мессэж сурталчилгаа /SMS broadcast/ явуулах болон бусад аргаар зориулалтын бусаар ашиглаж байгааг ойлгоно.
Тухайн хэрэглэгчийн аль нэг үйлчилгээний хэрэглээ нийт хэрэглэгчдийн хувьд нэг хэрэглэгчдэд оногдох дундаж хэрэглээнээс хэт ихээр хэтэрсэн бол “Зүй зохисгүй хэрэглээ” хийгдэж байгаа эсэхийг шалгаж тогтооно.

Хэрэглэгч зүй зохисгүй хэрэглээ хийсэн бол хэрэглэгчид урьдчилан сануулалгүйгээр үйлчилгээг хаана.